Policia gjermane ka vënë në pranga 6 të rinj shqiptarë, të cilët akuzohen për trafikim dhe shitje të lëndëve narkotike.

Mediet në vend bëjnë me dije se operacioni për arrestimin e shqiptarëve u krye në dy zona, në Keupstraße dhe në Kalk.

Policia gjermane arrestoi të rinjtë në banesat e tyre. Ndërkohë në banesën e njërit prej tyre policia sekuestroi 37 qese me kokainë gati për shitje.

Të arrestuarit dyshohet se kanë trafikuar lëndë narkotike në brendësi të qytetit Neumarkt.