Gjilani ka vazhduar me fitore, teksa ka mposhtur Dukagjinin në Klinë me rezultat 0-1.

Ndeshja nisi qetë me dy skuadrat që luanin me shumë kujdes, duke krijuar edhe disa gjysmë raste.

Por për të parë golin e parë në këtë sfidë, u desh të pritej minuta e fundit e pjesës së parë.

Ishte sulmuesi gjakovar Mevlan Zeka që realizoi një gol të bukur me kokë për t’i dhënë epërsinë mysafirëve 0-1.

Me rezultatin 0-1 në të mirë të Gjilanit u mbyllën edhe 45 minutat e para të kësaj sfide.

Deri në fund të ndeshjes, përkundër insistimit të mysafirëve për të barazuar rezultatin një gjë e tillë nuk ndodhi dhe Gjilani mori tre pikët.

Me këtë fitore Gjilani blindon pozitën e tretë në tabelë me 38 pikë, derisa Dukagjini mbetet në vendin e gjashtë me 26 pikë.

Në ndeshjen e ardhshme Dukagjini luan në udhëtim te Malisheva, derisa Gjilani para adhuruesve të vet pret Prishtinën.