Policia e Kosovës ka arrestuar një 30-vjeçar në fshatin Budrikë e Epërme të Vitisë, i njëjti dyshohet se ka gjuajur me armë zjarri.
I dyshuari me inciale M.S. dyshohet se me armë ka shti në ajër me një armë të llojit AK 47.
“Njësitet policore relevante i janë përgjigjur rastit duke arritur që të identifikojnë lokacionin dhe të dyshuarin M.S. (viti i lindjes 1994, mashkull kosovar shqiptar) i cili është arrestuar dhe sjellë në Stacionin Policor në Viti”, ka njoftuar policia. I njëjti dyshohet se me armë ka shti në ajër. Me këtë rast si provë materiale janë konfiskuar një armë e llojit AK 47, një karikator dhe 23 gëzhoja të kalibrit 7.62 mm, të cilat do të përdoren dëshmi për gjykatën”, thuhet në njoftimin e policisë.
I dyshuari me urdhër të Prokurorit të shtetit është ndalur në mbajtje për 48 orë.