×
  • Lajme
  • Lajme

    Gjykimi për korrupsion ia pamundësoi Limajt takimin me Hahn

    Insajderi
    17 May 2016 - 20:56
    Klikoni Këtu për t'u bërë pjesë e kanalit të Insajderit në Youtube.

    Në takimin që u bënë bashkë pozita dhe opozita i thirrur nga komisionari evropian për Politika të Fqinjësisë dhe Negociata të Zgjerimit, Johannes Hahn, vetëm Jakup Krasniqi nuk ishte kryetar partie.

    Kadri Veseli kryetar i PDK-së, Isa Mustafa kryetar i LDK-së, Visar Ymeri kryetar i VV-së dhe Ramush Haradinaj kryetar i AAK-së janë ulur rreth tryezës në takim me Hahn, por kryetari i NISMA-s, Fatmir Limaj ka munguar.

    Atë e ka zëvendësuar Krasniqi, pasi Limaj ka qenë i zënë duke dhënë llogari para drejtësisë për akuzat për korrupsion.

    Bëhet fjalë për akuzat që rëndojnë mbi Limajn sa ka qenë ministër i Ministrisë së Transportit dhe Post Telekomunikacionit “MTPT”

    Fatmir Limaj akuzohet për kryerjen e këtyre veprave penale: Krim i organizuar, Shpërdorim i pozitës zyrtare apo autoritetit, Marrje e mitos dhe Mos deklarim i marrjes së parave të fushatës.

    E njëra prej kërkesave të Hahn për politikanët kosovarë ka qenë lufta kundër korrupsionit.

    Komisioneri i BE-së për Zgjerim gjithashtu u ka bërë thirrje të gjitha forcave politike të Kosovës, që të bashkëpunojnë për të arritur perspektivën evropiane.

    Ai pas takimit që pati në Prishtinë me krerët e partive parlamentare shqiptare nga pozita dhe opozita, ka kërkuar që kriteret për integrim, si dhe ato për liberalizim të vizave, të zgjidhën me një kompromis./Insajderi.com

     

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark