Adelina Grainca, e cila kandidon për deputete në listën e Partisë Demokratike të Kosovës, bashkë me dy kolegët e saj, Elmi Reçica e Rashit Qalaj, kanë vizituar disa fshatra të Ferizajt, ku kanë dëgjuar preokupimet e banorëve të këtyre fshatrave.

Nevoja për rimëkëmbjen e vendit, sipas saj ishte preokupimi i banorëve të fshatrave Softaj, Pojatë e Sazli.

“Sot bashkë me kandidatët për deputetë, z. Elmi Reçica dhe z. Rashit Qalaj, ishim në Softaj, Pojatë dhe Sazli. Dëgjuam çështjet që i preokupojnë banorët e këtyre tre fshatrave. Emërues i përbashkët është nevoja për rimëkëmbje dhe PDK ka plan për rimëkëmbjen e vendit”.

“Kemi platformë me trajtim të hollësishëm të nevojave të qytetarit. Me përkrahjen e madhe që po e marrim ditë për ditë do ta jetësojmë këtë plan. Do t’i japim jetë kësaj platforme”, ka shkruar Grainca në rrjetin social Facebook.  /Insajderi.org