Myrto Uzuni ka shënuar sërish gol në fitoren shumë të rëndësishme të Granadas të shtunën.

Granada fitoi derbin direkt me një prej pretendentëve për t’u ngjitur në La Liga, Las Palmasin, duke e mposhtur 2:1.

Uzuni shënoi golin e dytë për skuadrën e tij në minutën e 41-të. Ishte goli i 21-të këtë edicion në La Liga 2. Është në top listën e golashënuesve, me shtatë gola më shumë se ndjekësi më i afërt.

Granada ka 64 pikë në vendin e dytë, dy më shumë se Las Palmasi i treti. Vendi i dytë të çon direkt në La Liga, i treti në plejof.