Kamerat e sigurisë në një barnatore në komunën e Gjilanit kanë filmuar momentin kur një hajn ka vjedhur telefonin e një qytetari në barnatore, shkruan Gazeta Insajderi.
Një qytetar përderisa po priste ka shfrytëzuar ‘rastin’ për të vjedhur një telefon i cili ishte në tavolinë.
Personit të cilit i është vjedhur telefoni, K.B ka treguar për Insajderin se rastin tashmë e ka lajmëruar dhe në Polici.
“Sot rreth orës 12 në një barnatore në Gjilan një person ma ka vjedhur telefonin, rastin e kam raportu në polici”,tha ai.
Në videon e siguruar nga Gazeta Insajderi, teksa farmacistja gjendet larg sportelit, shihet personi duke marr telefonin dhe duke e futur në xhep.