×
  • Lajme
  • Lajme / Kosovë

    Halimi: Derisa Kurti po ligjëron për lidërshipin, 24 minatorë janë në emergjencë

    Insajderi
    28 October 2023 - 22:44

    Zëdhënësja politike e LDK-së dhe anëtarja e kryesisë, Sibel Halimi ka reaguar pas situatës me minatorët e Trepçës.

    Përmes një shkrimi në Facebok, Halimi ka thënë se derisa kryeministri Albin Kurti po ligjëron për lidership, 24 minatorë janë në gjendje të rëndë shëndetësore.

    Ata janë në grevë që 5 ditë, të braktisur e të përbuzur nga institucionet shtetërore, në kërkesat legjitime për dinjitetin e tyre!”, ka shkruar ajo.

    Halimi i është referuar deklaratave të Kurtit të bëra sot në konferencën me temë “Lidershipi në kohë sfiduese”, të organizuar nga kolegji UBT.

    Sipas kryeministrit, dy cilësitë kryesore të një lideri të mirë janë efektiviteti pragmatik për të tërhequr dhe mirëmbajtur ndjekës ose mbështetës dhe përkushtimi parimor ndaj një kauze të drejtë, sepse siç ka thënë ai, pragmatizmi pa parime është bosh, kurse parimi pa pragmatizëm është i pafrytshëm.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark