Sipas liderit të AAK-së, Ramush Haradinaj, presidenti i Kosovës, Hashim Thaçi është përgjegjësi për të gjitha të këqijat që i kanë ndodhur Kosovës.

Madje sipas tij, rrënjët e Thaçit janë aq shumë të shtrira në pushtet saqë ai vendos për fatin e shumë personaliteteve politike.

“Me i ardhë puna Hashim Thaçit e shkatërron edhe Murat Mehën, siç veproi me Azem Sylën”, ka thënë ai, për emisionin “Click” në RTV21.

Lideri i AAK-së Ramush Haradinaj, i ka bërë  këto deklarata teksa ka folur për demarkacionin me Malin e Zi, duke ripërsëritur qëndrimin e tij se kjo marrëveshje është në dëm të shtetit.

Ndërsa, këtë faj ai ia ka atribuar Hashim Thaçit dhe Murat Mehës, ku këtë të fundit e ka cilësuar sit ë paprekshëm. “Murat Meha është i paprekshëm, e Azem Syla s’koka i prekshëm”, ka thënë ai./Insajderi.com