Kryetari i AAK-së, Ramush Haradinaj, sot ka takuar strukturat e Aleancës së Gruas.
Nëpërmjet një postimi në Facebook ai ka thënë se është diskutuar për zhvillimet politike në vend dhe për atë se si duhet të fuqizohet ky organ i AAK-së.
“Sot, drekë pune me strukturat e Aleancës së Gruas. Diskutuam bashkë për zhvillimet politike në vend, aspektet e organizimit dhe të fuqizimit të AGK-së dhe përgjithësisht Aleancës, duke vënë theksin në sfidat dhe mundësitë që na presin në vijim të këtij viti”, ka thënë ai.
Tutje, ai është shprehur optimist për anëtarët e rinj që po i bashkohen këtij subjekti politik.
“Gruaja në Aleancë ka pasur dhe ka hapësirë të mjaftueshme për veprim. Dyert tona mbeten të hapura për të gjitha ato gra që kanë ide e vullnet për ta dhënë kontributin e tyre për vendin. Bashkë do t’ia dalim ta bëjmë Kosovën vend të jetueshëm për qytetarët e saj. Kemi dëshmuar se mundemi”, ka thënë ai.