Kreu i Aleancës për Ardhmërinë e Kosovës, Ramush Haradinaj pret që Kosova dhe Serbia këtë të hënë të arrijnë marrëveshje.

Në seancën e Kuvendit, Haradinaj deklaroi se i vetmi vend në botë që nuk i gëzohet marrëveshjes Kosovë-Serbi është Rusia.

Ish-kryeministri theksoi se Qeveria e Kosovës duhet t’i kërkojë Bashkimit Evropian përkrahje financiare për veriun, raporton Insajderi.

“Kosova të hënën mundet me e mbyllë marrëveshjen. Kosova mundet me i shtu komponent kësaj marrëveshje. Unë besoj shumë se është një moment i mirë që qeveria e Kosovës t’i kërkojë Bashkimit Evropian investime e përkrahje ekonomike për të zbatuar rendin dhe ligjin në veri, e jo me e bartë Kosova gjithë koston financiare për veriun”, deklaroi Haradinaj. /Gazeta Insajderi