Kryetari i Aleancës për Ardhmërinë e Kosovës , Ramush Haradinaj, në Ditën Ndërkombëtare të të Zhdukurve ka thënë se të pagjeturit mbesin plagë e hapur për ne.

Haradinaj tha se zemra jonë rrah me familjarët që ende janë në pritje të mësojnë për fatin e më të dashurve.

“Sot kur e gjithë bota kujton personat e zhdukur, zemra jonë rrah me familjarët që ende presin me ankth për fatin e të dashurve të tyre. Motrat, vëllezërit e fëmijët tanë të pagjetur mbesin plagë e hapur, dhembje që vazhdon.” – ka thënë ai.