Ministrja e Drejtësisë, Albulena Haxhiu është pyetur nga opozita pse Instituti i Mjekësisë Ligjore ende nuk ka drejtor dhe funksionon me ushtrues detyre.
Haxhiu ka thënë se njëri prej personave që kanë pasur çelësin ku ruhen mostrat ka qenë i propozuar për drejtor të IML por pa u zbuluar se kush i ka vjedhur mostrat e Astrit Deharit nuk do të vazhdojnë me këtë proces, raporton Insajderi.
“Njëri prej personave që kanë pasur çelësin ku ruhen mostrat ka qenë i propozuar për drejtor në Institutin e Mjekësisë Ligjore. Pa fol drejtësia kush është personi që i ka vjedhur mostrat e Astrit Deharit ne nuk do të vazhdojmë këtë proces”, deklaroi Haxhiu.
Ministrja tutje kritikoi Abelard Tahirin e PDK-së, duke i thënë se po shërbehet me lajme të rreme.
“Mos u shërbej me lajme të rreme, je shef i grupit parlamentar të PDK-së”. /Insajderi.org