12:31 - 23 Qershor 2022

Bekim Haxhiu i PDK-së ka kërkuar nga kryeministrit, Albin Kurti të mos i bëjë presion deputetëve të tij për votimin e trustit.

“Lëri deputetë e tu mos ju bë persion”, tha ai.

“Nëse ke arritë më bë këtë tek deputetë e tu nuk ki me arritë me bë këtë me deputetët e Kuvendit të Kosovës se këtu ka demokraci”, tha Haxhiu përcjell Insajderi

Kjo reagimi i Haxhiut erdhi pas ironive që Kurti bërë në Kuvend me këtë të fundin.

“Fizioterapisti me doktoratur propozojë tërheqjen e trustit”, tha ai.

“Vetëm një person doktoraturë në Fizioterapi e ka vetëbesimin që të propozojë diçka kaq të madhe në ekonomi”, u shpreh Kurti në Kuvend duke i reaguar iniciuesit të Projektligjit për Tërheqjen e Trustit, Bekim Haxhiut të PDK-së

Sipas Kurtit vetëm 10 për qind e qytetarëve do të përfitojnë nga tërheqja e Trustit.

“Çfarë ndodh me 5 për qind e qytetarëve që janë të varur nga skemat sociale”, ka pyetur Kurti.

Ai po ashtu ka thënë se Qeveria e tij i ka ndihmuar shumë kategori shoqërore, duke përfshirë fëmijët, gratë lehona, fermerët etj.

Kurti po ashtu ka thënë se propozimi për tërheqjen e Trustit po vjen nga ata që nuk janë të varfër.