Mërgim Berisha është detyruar të largohet para kohe nga stërvitja e zhvilluar të martën.

Hoffenheim ka njoftuar se sulmuesi nga Kosova ka lënduar gjurin.

“Mërgim Berisha lëndoi gjurin gjatë stërvitjes dhe për këtë arsye e ndërpreu më herët stërvitjen. Në ditët në vijim do të bëhen kontrollime më të detajuara”, ka njoftuar klubi gjerman.

25-vjeçari iu bashkua gjatë verës Hoffenheimit nga Augsburgu, por deri më tani nuk ka mundur të siguroj vend në përbërjen e parë. Ai ka luajtur në tetë ndeshjet e edicionit aktual, ndërsa nuk ka shënuar gol.

Berisha me Hoffenheimin ka kontratë deri në qershor të vitit 2027.

Ai është reprezentues i Gjermanisë.