Të kërkosh investitorë dhe të bësh paralajmërime për konflikt, këto dyja s’shkojnë bashkë, tha ish-kryeministri Avdullah Hoti, referuar deklarimeve për media të huaja nga Kryeministri i Kosovës, Albin Kurti, raporton Insajderi.

Kurti, i cili po merr pjesë në Forumin Ekonomik të Davos, ku flet për nevojën e investitorëve të huaj në Kosovës derisa në anën tjetër kërkon prani të rritur të forcës paqeruajtëse të NATO’s në Kosovës, po këshillohet keq, vlerësoi Hoti.

“Shkon në Davos dhe e organizon një minikonferencë për investime, për të cilën e paguan një kompani konsulente 58,341.19 franga zvicerane pa asnjë procedurë prokurimi. Por, në dhomën tjetër, kërkon nja 70 trupa më shumë të KFOR-it nga Finlanda, edhe pse KFOR-i e rrit dhe e zvogëlon numrin e ushtarëve brenda natës sipas nevojës që ka”, shkroi Avdullah Hoti.

“Çfarë mesazhe janë këto dhe çfarë promovimi i investimeve është ky?!”, pyeti Hoti derisa shtoi edhe pyetjen se “kah na shpie kjo qasje në fushën e politikës dhe të ekonomisë?!”./Insajderi/