Kryeministri në detyrë, Avdullah Hoti, ka njoftuar se Marrëveshja për Nxitje të Investimeve e nënshkruar më 31 dhjetor 2020 mes Kosovës dhe SHBA-së, ka hyrë në fuqi.

Hoti ka treguar se ka ftuar bizneset në një takim për t’i informuar për mundësitë që ofron kjo marrëveshje për financimin e investimeve, sigurime të rrezikut dhe grante për ndihmë teknike.

“Rikujtim: Marrëveshja e Nxitjes së Investimeve Kosovë – SHBA, e nënshkruar më 31.12.2020, ka hyrë në fuqi. Faleminderit SHBA që po na dëshmon miqësinë speciale me kosovëb. Fakte, fakte: Kosova është e vetmja në Ballkan që nënshkruan këtë marrëveshje me SHBA-në. Të hënën kam ftuar bizneset për t’i informuar për mundësitë që ofron kjo marrëveshje për financimin e investimeve, sigurime të rrezikut, grante për ndihmë teknike etj. Zoti e bekoftë SHBA-në . Zoti e bekoftë Kosovën”, thotë kryeministri në detyrë përmes një postimi në Facebook.