×
  • Lajme
  • Insajderi / Insajderi

    I dënuar për zhvatje, historia tjetër e Nusret Cenës që u vra mbrëmë me breshri plumbash në Kaçanik

    Insajderi
    24 January 2023 - 10:34

    Nustret Cena, 48-vjeçari që u vra mbrëmë ishte dënuar në rastin “Zharku”. Cena ishte dënuar me 1 vjet e një muaj burgim.

    Më 21 prill 2011, Gjykata e Qarkut në Prishtinë e kishte shpallur Cenën fajtor për kryerjen e veprës penale të zhvatjes dhe posedimit të paligjshëm të armës, shkruan Insajderi.

    Bashkë me të ishte dënuar edhe ish-kryetari i Komunës së Kaçanikut, Xhabir Xharku, i cili më pas ishte arratisur për në Suedi.

    Cena ka qenë i përfshirë edhe në shpërthimin që ndodhi në lokalin “Sekiraqa” në vitin 2007, Prishtinë. Ai ka qenë i dyshuar për shpërthimin në këtë lokal, por në vitin 2013 ishte liruar nga akuzat.

    Nga shpërthimi në lokalin “Sekiraqa” më 27 shtator 2007 qenë vrarë dy persona, Naim Murati dhe Pleurat Sllamniku, dhe plagosur 11 të tjerë.

    Sikur të mos mjaftonte dënimi me burgim për zhvatje, dhe ngritja e aktakuzës për një kohë në rastin “Sekiraqa”, Cena ka pasur të ngritur një aktakuzë tjetër për përfshirje në vrasjen e tre personave në Kacanik: Urim Baftiut (16 vjeç), Sylejman Baftiut (17) dhe Neshat Baftiut (28).

    Dy burra, Besnik Hasani dhe Shpend Qerimi, që të dy ish oficerë të forcave speciale policore të Kosovës, ishin dënuan për vrasjet. Gjithsesi i dyshuari i tretë në vrasjen e trefishtë të familjes Baftiu, ishte Nusret Cena. Ai doli i pafajshëm në këtë rast.

    Policia konfirmon vrasjen e Cenës

    Policia njofton për vrasjen e 48-vjeçarit me inicialet N.C., në rrugën magjistrale Ferizaj–Kaçanik, konkretisht në Kaçanik të Vjetër. Viktima ishte gjetur pa shenja jete në automjet.

    Dyshohet se persona të panjohur nga afërsia kanë shti breshëri plumbash mbi automjetin dhe shoferin e më pas janë larguar nga vendi i ngjarjes në drejtim të panjohur.

    Policia e Kosovës njoftoi sot për vrasjen e 48-vjeçarit, e cila ka ndodhur në rrugën Ferizaj–Kaçanik, konkretisht në Kaçanik të Vjetër. Viktima ishte gjetur pa shenja jete në automjet.

    Dyshohet se persona të panjohur nga afërsia kanë shti breshëri plumbash mbi automjetin dhe shoferin e më pas janë larguar nga vendi i ngjarjes në drejtim të panjohur.

    Njoftimi i plotë i policisë:

    Me datën 23.01.2023 rreth orës 23:50 policia e stacionit në Kaçanik ka pranuar një informacion se në rrugën magjistrale Ferizaj–Kaçanik, në Kaçanik të Vjetër një automjet i udhëtarëve ishte jashtë rrugës. Policia e stacionit në Kaçanik menjëherë i ka marrë masat e nevojshme, ka dalë në vendin e ngjarjes dhe policët kanë vërejtur se një person në ulësen e parë të shoferit dyshohej se ishte pa shenja jete. Janë njoftuar ekipet mjekësore të cilët kanë konstatuar se personi është pa shenja jete. Më pas policia ka pranuar një informacion tjetër se në fshatin Soponicë të Kaçanikut afër autostradës një automjet tjetër i udhëtareve ishte përfshirë nga flaka. Ekipet zjarrfikësve kanë dalë në vendin e ngjarjes dhe e kanë shuar zjarrin.

    Në lidhje me këtë policët hetues dhe krim teknikët e Sektorit Rajonal të Hetimeve , nën autorizim të prokurorit kujdestar nga Prokuroria Themelore në Ferizaj i kanë marrë veprimet e nevojshme dhe menjëherë  i kanë nisur hetimet .

    Nga hetimet e para, ekzaminimit të vendit të ngjarjes dyshohet se personi/persona të panjohur në Kaçanik të Vjetër nga afërsia kanë shti breshëri plumbash mbi automjetin dhe shoferin e më pas janë larguar nga vendi i ngjarjes në drejtim të panjohur. Jo larg vendit të ngjarjes në fshatin Soponicë të Kaçanikut është gjetur edhe një automjet tjetër i udhëtarëve i përfshirë nga flaka , ku ekziston dyshimi se personat e dyshuar pasi e kanë kryer vrasjen në Kaçanik të Vjetër i kanë vënë flakën automjetit dhe janë larguar.

    Me vendim të prokurorit kujdestar nga Prokuroria Themelore në Ferizaj trupi i pajetë i viktimës N.C (M/K) i moshës 48 vjeçar dërgohet në Institutin e Mjekësisë Ligjore në Prishtinë për obduksion .

    Ekipe të Policisë Rajonale të Ferizajt nga sektorë të ndryshëm po punojnë vazhdimisht në grumbullimin e informacioneve në terren për të zbardhur sa më shpejtë rastin 

    /GazetaInsajderi

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark