Është arrestuar një person në Prizren, pasi gjatë muajit shkurt-mars 2023, ka ngacmuar seksualisht një të mitur përmes rrjeteve sociale , duke i dërguar mesazhe me përmbajtje erotike.
“Pas një pune hetimore është identifikuar dhe arrestuar i dyshuari mashkull kosovar pasi që përmes rrjeteve sociale i ka dërguar mesazhe me përmbajtje erotike viktimës femër kosovare e mitur. I dyshuari në dëshminë e tij ka pranuar se i ka dërguar mesazhe viktimës”, ka njoftuar policia.
Me vendim të prokurorit i dyshuari është dërguar në mbajtje.