Ambasadori i Kosovës në Shtetet e Bashkuara të Amerikës, Ilir Dugolli dhe ambasadori serb në Uashington, Marko Gjuriq kanë qenë të martën në një takim në rezidencën e BE-së në SHBA.

Stavros Lambrinidis, ambasador i Bashkimit Europian në SHBA shkroi në Twitter se i ka pritur në takim Dugollin, Gjuriqin dhe ambasadorët e tjerë të vendeve të Ballkanit Perëndimor në SHBA.

Diskutimin me ta, Lambrinidis e cilësoi si “të shkëlqyer”.

“Kënaqësi t’i pres në Rezidencën e BE-së kolegët e mi ambasadorë të Ballkanit Perëndimor nga Shqipëria, Kosova, Mali i Zi, Maqedonia e Veriut dhe Serbia për një diskutim të shkëlqyer me Drejtoren Menaxhuese për Europën, Angelina Eichhorst, në Shërbimin për Politikë të Jashtme dhe Siguri të BE-së të udhëhequr nga Josep Borrell, i cili është në vizitë të nivelit të lartë në DC”, shkroi Lambrinidis. /Gazeta Insajderi

Pleased to host at the EU Residence🇪🇺 my Western Balkan Ambassador colleagues from Albania, Kosovo, Montenegro, North Macedonia, and Serbia for an excellent discussion with @eu_eeas Managing Director for Europe @aneichhorst, who’s on high level visit to DC. pic.twitter.com/JupKofEnY5

— Ambassador Stavros Lambrinidis 🇪🇺 (@EUAmbUS) February 7, 2023