Kandidati nga Lidhja Demokratike e Kosovës për kryetar të Lipjanit, Imri Ahmeti, ka prezantuar disa nga projektet e ardhshme në infrastrukturë.

Ahmeti ka treguar se do të riasfaltohet rruga “Sherif Konjufca” në Llugaxhi dhe se do të ndërtohet rruga deri në Babush, e cila do të lidhet me rrugën regjionale Prishtinë-Ferizaj.

Kryetari aktual i Lipjanit premtoi se do të rregullohet edhe infrastruktura e varrezave të fshatit Llugaxhi.

“Ky projekt është aprovuar në buxhetin e Komunës”, shkroi Ahmeti në Facebook.