Ish-Përfaqësuesi i Bashkimit Evropian në bisedimet për të ardhmen e Kosovës më 2007, Wolfgang Ischinger, ka përgëzuar palët për Marrëveshjen Bazë të arritur të shtunen me pajtimin edhe për Aneksin e Zbatimit. Megjithatë Ischinger ka edhe dyshimet e tij bashkërisht edhe me këshilla, shkruan Insajderi.

Brishtësia e kësaj marrëveshje, sipas Ischinger, është mungesa e nënshkrimit të saj nga pala serbe. Gjithashtu ai ngren pyetje se si do të ndërtohet mirëbesimi mes palëve.

“Përgëzime të gjitha palëve të përfshira, njëmend. Por skepticizimi gjithashtu përligjet: zbatimi do të kërkojë mbikëqyrje të vazhdueshme, dhe shkundje (madje edhe trysni)”, shkroi Ischinger në një cicërimë në Twitter.

“Vazhdimi i rolit të Kumbarit të BE, SHBA, Gjermani, Francë është shumë i rëndësishëm. Brishtësia për shkak të mungesës së nënshkrimeve formale. Si të ndërtohet besimi?”, ka shkruar ai.

Kujtojmë se Marrëveshja Bazë e arritur në Bruksel në disa pika është e modeluar sipas propozimit të Wolfgang Ischinger për modelin e “Dy Gjermanive”./Insajderi/