Sami Ahmetaj, ish-anëtar i Këshillit të Përgjithshëm të Lëvizjes Vetëvendosje, ka aderuar në Aleancën për Ardhmërinë e Kosovës.

Lajmin e ka bërë të ditur vet kryetari i AAK-së, Ramush Haradinaj, i cili tha se Ahmetaj, iu bashkua një partie serioze e kombëtare.

Postimi i plotë i Haradinajt:

Jam i lumtur të mirëpres në Aleancë, z.Sami Ahmetaj, ish-kryetar i pikës në Dardani të Pejës dhe anëtar i Këshillit të Përgjithshëm të LVV-së.

Duke cituar fjalët e tij, Samiu pas 13 viteve besim në demagogji mashtruese, sot kaloi nga populizmi në politikë serioze e kombëtare.

Me një Aleancë të fortë në Parlament dhe me mua si President i vendit, ne do të jemi kundërpeshë dhe të sigurojmë stabilitet dhe forcë për ta çuar Kosovën përpara së bashku.

Ashtu si Samiu, gjithnjë e më shumë qytetarë po na mbështesin, duke kuptuar se vendi ynë është në udhëkryq dhe Kosova ka nevojë për vepra të mëdha dhe jo vetëm fjalë të mëdha.

#ForcaeKosovës

RH Insajderi.org