Ish-futbollisti i Oxford United, Joey Beauchamp ka bërë vetëvrasje, ndërsa po luftonte me depresionin pasi u pensionua nga sporti, raporton Mirror, përcjell Insporti.

Gjykata e Oksfordit raportoi se Beauchamp, 50 vjeç, kishte disa “probleme” në jetën e tij, duke përfshirë problemet e lojërave të fatit, shqetësimet për paratë, dhe prishjen e martesës së tij, por ai vazhdimisht refuzoi mbështetjen nga shërbimet e shëndetit mendor.

Ai u gjet i vdekur në shtëpinë e tij në Kidlington nga vëllai i tij më i madh, Luke, më 19 shkurt të këtij viti, pasi nuk iu përgjigj mesazheve të familjes së tij.

Mjeku ligjor Darren Salter e përshkroi atë si “një rast shumë të trishtuar”. Derisa gjykata tha se Beauchamp kishte disa periudha të problemeve të rënda të shëndetit mendor që datojnë që nga viti 2008.

Anëtarët e familjes dhe dy fëmijët Beauchamp ishin gjithashtu të pranishëm në gjykatë për seancën dëgjimore.

/Insajderi