Eroll Salihu, sekretari i Federatës së Futbolli në Kosovës është suspenduar nga kjo pozitë ditë më parë. Krejt për shkak të një deklarate që nuk i pëlqeu Kreut të FFK-së, Agim Ademi.

Ndonëse po e cilëson vendimin për pezullim të jashtëligjshëm, Salihu ka vendosur të pushojë për një periudhë, pasi thotë që atmosfera brenda FFK-së është bërë toksike.

Këto komente Salihu i dha në InDoks të Gazetës Insajderi.

“Unë së pari për vetën unë mundem çdo gjykatë me shku dhe me marrë një vendim për ndalimin e ekzekutimit të vendimit sepse nuk ka, unë nuk e kam problem por për mua është më mirë mos të jem aty këtë muaj ose dy për arsye se me të vërtetë një situatë, anglisht quhet ‘Toxic Environment’, ‘Toxic Ëorking Environment’ është helmuese atmosfera në FFK, aty ka vetëm spiunazh, fotografime, ka përgjime sikur të ishte në filma serial që po i shikojmë tash”, ka thënë ai për InDoks.

Ish-sekretari i Federatës tani veç zyrtar ligjor ka treguar sa hërë është ftuar nga Prokuroria për të dëshmuar për të bëmat e kreut të FFK-së, Agim Ademi.

“Herë e parë jam ftu për një letër që e kam shkruar vet, pothuajse para 1 viti”, tha ai derisa jep sqarim rreth kësaj letra-raporti që ai e quan konfidencial.

“Letra ka qenë konfidenciale sepse kur punon ti në institucion nuk mundesh ti me dal veç hajt krejt botën aty duhet me i tregu atyre të cilëve e kam përgjegjësinë me iu tregu, Komunitetit Ekzekutiv, e kam bë një shkresë me tri faqe, në të cilën i kam paraqit të gjitha shqetësimit e mija, shkeljet që mendoj unë që janë të arsyeshme në mënyrë që me pas transparencë me ia ndal hovin këtij presidenti autokrat po e quaj edhe në atë kohë sepse raportet tona janë ftoftë prej momentin kur ka shpëtu nga gjykata, ai atëherë ka mëndu që mundet me bë çka do edhe kjo tash ju ka hakmarrë edhe institucionit edhe atij”, ka thënë ai.

“Atë shkresë që ia kam qu Komuniteti Ekzekutiv ka qenë konfidenciale edhe kemi pasur një raport jashtëzakonisht të rëndë ndërmjete vete, unë nuk kam pasur përkrahje nga komuniteti, atyre ju ka interesu vetëm mos me pas problem, duke e ditë një autoritet që e kam pasur unë në të kaluarën dhe atëherë, në anën tjetër e kanë ditë që ka probleme, por, jemi ulë së bashku për herë të dytë edhe jemi pajtu, pas kësaj letre që me pas më shumë transparencë, mbikëqyrje etj etj”, sqaron Salihu.

“Kjo letër pastaj është dal tek pas 4 muajve, megjithatë prokuroria më ka ftu ia kam shpjeguar të gjitha, kjo është për të mirën e institucionit. Duhet komuniteti me ndërmarrë, komuniteti është organi më i lartë e ka bë këtë, këtë, këtë ato janë çështje të cilat nuk guxojnë me u përsërit në të kaluarën sepse bëhet një autoritarizëm”, potencon ish-sekretari për InDoks.

Derisa herën e parë nga Prokuroria u ftua për letrën, herën e dytë u ftua për diçka edhe më të rëndë. Përmend edhe herën e tretë.  

 “E vërteta e dytë është poashtu nga një komision për parandalimin e dhunës që ka dal nga ligji, ju e dini me z.Besim Kelmendin që është prokuror edhe ata më kanë ftu për të njëjtin rast, ju kom përgjigj se kjo çështje ka qenë në prokurori ndërsa për rastin e tretë të them të drejtën nuk e di as vet. Më kanë pyet për çështje  të shumta, për bileta, për punësime, për këto informata të zakonshme të cilat  kam dhënë me sinqeritetin më të madh, pra e kam cek që unë për 50 e kusur vjet nuk kam qenë kurrë në prokurori dhe tash për shkak të Agim Ademit”.

“Po e them edhe njëherë duhet me kuptu Agim Ademi nuk ka faj askush, as komuniteti ekzekutiv, as sekretari gjeneral as komuniteti i futbollit që ai ka probleme me ligjin dhe me vetën, shumica e problemeve po ndërlidhen me presidentin, Agim Ademi”, u shpreh Eroll Salihu.

Përmbajtjen e kësaj letre e kishte publikuar gazeta e sportit, InSporti. Fjalë kryqe të këtij denoncimi ishin rrahje, punësime të dyshimta, premtime në favor të klubeve që i garantojnë votën. Një profil i Ademit që më shumë se sa kryetar i FFK-së duket një tifoz huligan.

InDoks ka qenë në kontakt me Agim Ademin dhe ai në parim është pajtuar që të flas për këtë emision pas konfirmimit të kandidaturës së tij. Një ditë pasi që është konfirmuar kjo kandidaturë dhe është refuzuar kandidatura e Gramz Vokkrrit, të birit të ish-Kryetarit të FFK-së dhe legjendës së futbollit kosovar, Fadil Vokrri, ai ka refuzuar që të flas. As avokati i tij, që është pjesë e FFK-së po ashtu, nuk ka pranuar që të flas para kamerës.

Dokumentari i plotë: InDoks | ‘Huligani’ që zaptoi Federatën e Futbollit