Barcelona ka të lirë Luis Suarez verën e vitit të kaluar dhe sulmuesi uruguaian u transferua tek Atletico Madrid, ekip të cilin e udhëhoqi drejt fitimit të titullit kampion me golat e tij.

Të shumtë ishin ata që kritikuan drejtuesit e klubit katalanas për vendimin për t’u ndarë me 34-vjeçarin latin, por ndryshe mendon Louis van Gaal.

Holandezi, i cili ka drejtuar Barcelonën në dy periudha të ndryshme, tregon pikën e dobët të Suarez, të cilin e konsideron sulmues më të dobët se Karim Benzema.

“Benzema është sulmues më i mirë dhe më i kompletuar se Suarez. Ky i fundit nuk mbron kurrë dhe mjafton ta ngacmosh pak që të humbasë topin.

Suarez nuk i përket nivelit të lartë, ky është shkaku pse Barcelona hoqi dorë nga shërbimet e tij“, deklaron trajneri tulipan.