Italia i bashkohet Spanjës në gjysmëfinale, eliminohet Belgjika

“Azzurët” nuk kanë të ndalur në Euro 2020, eliminojnë Kombëtaren e Belgjikës me rezultat 2:1.

Ka përfunduar ndeshja mes Belgjikës dhe Italisë, ku brenda 90’ minutave lojë, italianët kanë arritur ta eliminojnë Belgjikën në çerekfinale.

Fillimisht, ishte mesfushori i Interit Nicolo Barella ai i cili e zhbllokoi rezultatin për Italinë, ku shënon në minutën e 31’ për 1:0. Para fundit të pjesës së parë, italianët e dyfishojnë epërsinë, ku për 2:0 shënon Lorenzo Insigne në minutën e 44’.

Ndërkaq, golin e vetëm tek belgët e shënoi sulmuesi i Interit Romelu Lukaku, i cili shënon në minutën e 45’+2 shtesë nga pika e bardhë për 2:1.

Me këtë fitore, “Azzurët” vazhdojnë ëndrrën në këtë Kampionat Evropian, ku në gjysmëfinale do të përballet me Kombëtaren e Spanjës.

Rezultati përfundimtar i ndeshjes është 2:1 në favor të italianëve.