Këngëtarja e njohur, Adelina Tahiri ka folur për lajmin e përhapur kohë më parë për grabitjen që ndodhi në shtëpinē e saj nē Shkup.
”Te Rudina” këngëtarja ka zbuluar se i janë vjedhur gjëra me vlerë dhe disa kujtime nga njerëzit që nuk jetojnë më. E gjithë ngjarja ndodhi gjatë kohës kur ajo ndodhej me pushime në Greqi.
Adelina Tahiri: Ishte bërë një vjedhje, një vjedhje shumë e madhe që nuk e di a është normale kjo, por janë gjëra që ndodhin. Unë e përjetova shumë rëndë.
Rudina Magjistari: Pate humbje?
Këngëtarja shton se denoncimi është kryer dhe pritet që organet ligjzbatuese të bëjnë punën e tyre. Ajo gjithashtu përshkruan disa prej sendeve që janë marrë në shtëpi.
Adelina kujton edhe se si e ka marrë lajmin e grabitjes.
Adelina Tahiri: Unë isha në Greqi, ndihmësja që kam në shtëpi, më mori në telefon në orën 8 të mëngjesit tha “Adelina, kanë hyrë në shtëpi”. Kam edhe kamera e të gjitha por nuk është se i ka trembur gjë, e kanë bërë punën e tyre.