Prishtina ka njoftuar se biletat për ndeshjen derbi kundër Dritës do të dalin në shitje të mërkurën.

Klubi kryeqytetas ka publikuar edhe çmimet e biletave për klasiken e futbollit të Kosovës që luhet të mërkurën mbrëma me fillim nga ora 19:00 në stadiumin “Fadil Vokrri” në Prishtinë.

Çmimet e biletave fillojnë nga 3 euro në Perendim, 2 euro në Lindje dhe Veri (numër i limituar për tifozët mysafir), 15 euro në VIP teksa në sektorne Jugut ku do të vendosen tifozët e Prishtinës “Plisat” biletat janë falas.

Ndeshja mes Prishtinës dhe Dritës ishte paraparë të zhvillohet në javën e tretë kampionale, por ishte shtyrë pasi Ballkani zhvillonte ndeshjen në kryeqytet në garat evropiane.