Ministri i Punëve të Brendshme, Xhelal Sveçla, ka dënuar sulmin e mbrëmshëm ndaj gazetarit, Valon Syla.
Sveçla ka thënë se sulmi ndaj kujtdo është vepër e rëndë ndërsa bëhet i papranueshëm kur i drejtohet një gazetari.
“Sulmi ndaj kujtdo është vepër e rëndë ndërsa bëhet më i papranueshëm kur i drejtohet një gazetari, puna dhe liria e shprehjes të së cilit janë të garantuara me legjislacionin tonë dhe jo vetëm. Si qytetar dhe si Ministër i Punëve të Brendshme natyrisht jam shqetësuar me sulmin e mbrëmshëm ndaj gazetarit Valon Syla”, ka shkruar Sveçla në Facebook.
Tutje, Sveçla ka thënë se sulmuesit e Sylës janë identifikuar dhe të njëjtit do të sillen shpejtë para drejtësisë.
“Pas hetimeve intenzive të Policisë së Kosovës tashmë janë identifikuar sulmuesit e gazetarit Syla dhe shumë shpejtë kryesit e këtij akti do të sillen para drejtësisë”, ka thënë Sveçla.