Albina Kelmendi, së bashku me familjen e saj, nga Liverpuli, kanë performuar në tapetin e Eurovizionit 2023, ku kanë zhvilluar një intervistë të shkurtër me dy prezantuesit e kësaj ngjarje, Timur Miroshnychenko dhe Sam Quek.
Albina, e cila përfaqëson Shqipërinë me këngën “Duje”, i është përgjigjur edhe pyetjeve të prezantuesve, nëse paraqitja e saj në Eurovizion ka qenë edhe ëndërra e gjyshit të saj.
“Ka qenë ëndërra e gjyshit me prezantuar Shqipërinë në Eurovizion. Ne jemi shumë krenar që po e përfaqësojmë Shqipërinë, të cilën gjyshi jonë e deshi aq shumë”, komentoi Albina.
Gjatë bashkëbisedimit, familja Kelmendi ka komentuar edhe veshjen e saj, si dhe bizhutë e vendosura në fustan.
“Janë bizhu të vjetra ilire, të cilat përfaqësonin gruan e fortë shqiptare. Ato janë të improvizuara. Albina, tani, po përfaqëson kulturën shqiptare dhe ilire”, komentoi familja Kelmendi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
