Pas një komunikate të KFOR-it lidhur me kidnapimin e tre policëve kosovarë nga forca serbe, ka reaguar këshilltari i kryeministrit, Jeton Zulfaj.
Sqarimeve të KFOR-it se nuk ka informacione të sakta se ku ndodheshin policët në momentin e kidnapimit, Zulfaj i është përgjigjur me një thumb, drejtuar komandantit të KFOR-it, Angelo Michele Ristuccia.
“Pas të gjitha dëshmive që i ofruam ne, duket se është e paqartë se ku ndodhet Komandanti Ristuccia, jo se ku ishin policët e Kosovës”, ka shkruar Zulfaj.
After all the evidence we provided it seems that it is unclear where Commander Ristuccia is, not where Kosova Policemen were. https://t.co/xkxcmtAXEI
— Jeton Zulfaj (@JetonZulfaj) June 16, 2023
Misioni i NATO-s në Kosovë, KFOR, përmes një komunikate për media tha se vazhdon ta ketë të paqartë se “ku ishin tre policët e Kosovës kur u arrestuan” më 14 qershor.
KFOR-i ka deklaruar se ka rishikuar lokacionin e ngjarjes dhe ka biseduar me përfaqësues të institucioneve të Kosovës dhe autoriteteve të Serbisë.