Nën moton “Asnjë cent më shumë”, ka filluar protesta e radhës kundër shtrenjtimit të energjisë elektrike, shkruan Insajderi.

Protesta ka filluar në Prishtinë, në të njëjtën ditë kur edhe Zyra e Rregullatorit për Energji (ZRrE) mori vendimin përfundimtar për çmimin e ri të rrymës, i cili ende nuk është bërë publik.

Protesta ka filluar nga sheshi Zahir Pajaziti. E për momentin qindra protestues ia kanë ‘zënë’ derën ZRRE’së.

“KEDS t’i kthehet popullit”, kanë shkruar protestuesit para derës së ZRRE.

Ndërkohë, organizatorët u kanë bërë thirrje qytetarëve që t’i bashkohen kësaj proteste, duke kundërshtuar paralajmërimin për një rritje prej 15% të çmimit të rrymës nga ZRrE.