Policia e Kosovës sot ka mbajtur konferencë për media, në të cilën ka qenë i pranishëm edhe zëdhënësi i këtij institucioni, Baki Kelani.
Ai mes tjerash ka folur edhe për Akademinë për Siguri Publike.
“Dje e kemi bërë listën publike, sa i përket konkursit për kadetë që synojnë të shkojnë në akademi. 370 kandidatë të cilët kanë qenë në listë të pritjes për gjeneratën e 57-të, tash janë në pritje që të bëhen gjenerata e 58-të me radhë. Pritet që 450 kadetë të fillojnë më 12 prill”, ka thënë Kelani.
Kelani ka folur gjithashtu edhe për datën kur pritet të nënshkruhen kontratat.
“Nga nesër, me datë 6 dhe 7, pritet që nga lista të cilën e kemi publikuar dje të vijnë policët ta nënshkruajnë kontratën, të cilën edhe ju si media mund ta përcillni”, tha Kelani në konferencën për media./Insajderi