Ilir Gashi, përfaqësuesi i Partisë Demokratike të Kosovës në KQZ, është shprehur se deklarata e u.d e presidentit, Vjosa Osmanit, është e barasvlefshme me vrasjen e anëtarëve të KQZ-ës, raporton Insajderi.

Sipas tij, ndërhyrja, shantazhi dhe kërcënimi i paprecedent i KQZ-ës nga Vjosa Osmani, është e barazvlefshme me vrasjen e anëtarëve të saj në diktaturë.

Ai shton se Osmani e ka “mbytur” demokracinë.

“Ishte privilegj dhe përgjegjësi t’i takoja një institucioni kushtetues e kredibil siq ishte KQZ. Nderhyrja, shantazhi dhe kërcënimi pa precedan ndaj këtij institucioni në demokraci nga Ushtruesja Osmani, është e barazvlefshme me vrajsen e anëtarëve të saj po të ishte sistem diktatorial nga dora e një diktatori! E ka mbytur demokracinë”, ka thënë ai.