Përgjatë 15 viteve të fundit Reality show “Big Brother” është realizuar 10 herë në hapësirat shqipfolëse. Ku në shumicën e finaleve të tij kanë triumfuar burrat.
Edicionin e parë të këtij show, të transmetuar në vitin 2008, e kishte fituar Arbër Çepani.
Kjo fitore ishte mjaftë befasuese për publikun, pasi që shumica prej tyre mendoni se ai që do të marrë çmimin e madh do të jetë Olsi.
Ky i fundit, të dashurës së tij, Noçës, që kishte ardhur për vizitë në shtëpinë e “Vëllaut të madh” i kishte kërkuar ndarjen, dhe kjo situatë kishte bërë aq shumë bujë saqë nga ai moment njerëzit i drejtoheshin me Olsi i Noçës.
E i gjendur përballë një vëmendje të tillë natyrisht që Olsi pritej të ishte fituesi.
Edicioni i dytë e kishte fituar Qetsor Farunaj.
Si rezultat i triumfit në garë, Farnuaj kishte fituar 70 mijë euro.
Stili i tij i lojës, i karakterizuar nga ngacmime të ndryshme kundrejt banorëve të tjerë, nga shumëkush është cilësuar si e njëjtë me strategjinë e Luiz Ejllit.
Djali me stil arrogant dhe mjaftë agresiv të lojës, Jetmir Salaj arriti të fitoj edicionin e tretë të “Big Brother”.
Ndryshe nga tre sezonet e kaluara, në edicionin e katërt të show-it një grua arriti t’i mposhtë të gjithë garuesit e tjerë dhe të shpallet fituese.
Ermela Mezuraj, përgjatë qëndrimit të saj në shtëpinë e Big-ut ishte protagoniste e shumë debateve, madje nganjëherë e vetme kundrejt të gjithë banorëve tjerë.
Arbër Zeka, përveç që ka qenë fitues i edicionit të pestë të “Big Brother Albania”, ai do të mbahet në mend edhe si kosovari i parë që ka fituar këtë show.
Në fitorën e tij, rol të madh kanë luajtur edhe votat e mbledhura nga VIP-at shqiptarë të Kosovës.
Shumë prej figuarve të cekura më lartë sot nuk e gëzojnë të njejtën famë që e kanë pasur në kohën sa ishin brenda shtëpisë së “Vëllaut të madh”, por Anaid Kaloti nuk mund të thuhet se i përketë kësaj liste.
Njëra ndër figurat më të njohura të showbiz-it shqiptar, në fund të edicionit të gjashtë kishte fituar 75 mijë euro.
Nevila Omeri, kishte fituar edicionin e shtatë të këtij show.
Ajo kishte arritur të fitojë zemrat e publikut me historinë e dhimbshme të jetës së saj.
Kosovari i dytë, që kishte fituar Big-un ka qenë Vesel Kurtishaj.
Në edicionin e nëntë, në cilin pjesëmarrës mund të ishin vetëm çiftet, Olsi dhe Fiorentina arritën të triumfojnë.
Në dekadën e parë të këtij të program televiziv, të drejtë pjesëmarrje kishin vetëm personazhet VIP.
Në finalën e mbajturë para një viti, Ilir Shaqiri kishte mposhtur konkurrentët e tjerë në garë.