Ish-deputetja e VV-së, Doarsa Kica ka reaguar pas vendimit të Gjykatës Kushtetuese ku e ka shpallur të pavlefshëm Ligjin për Këshillin Prokurorial të Kosovës.

Ajo ka thënë se ministrja e Drejtësisë, Abulena Haxhiu e ka vë në pikëpyetje kredibilitetin e Gjykatës pasi që vendimi i saj nuk është duke i konvenuar.

“Kjo Gjykatë Kushtetuese (GJK) ka rrëzuar Qeverinë Hoti – vendim që i shkoi për shtat asokohe ministres Haxhiu. Kjo GJK ka gjetur me të drejtë 22 shkelje në marrëveshjen për Asociacionin – që i shkoi për shtat gjithë VV-së si pretekst se në pushtet kishim shkelës të Kushtetutës.***Por – kur e njëjta Gjykatë ka filluar t’i evidentoj shkeljet e Ministres Haxhiu, ajo paska filluar të befasohet”, ka shkruar Kica.

Ajo tutje ka thënë se Haxhiu zyrtarisht është shkelëse e Kushtetutës.

“Natyrisht. Sepse sot, ajo është zyrtarisht shkelësja e Kushtetutës që dikur e përçmonte si tradhëti kombëtare – dhe i dhemb rruga që ka shtruar vet me kolegë”, ka shtuar ajo.

Ky është postimi i plotë i deputetes së LDK-së.

Më tutje, ajo e ka quajtur Haxhiun shkelëse të Kushtetutës.

Postimi i plotë:

Kjo Gjykatë Kushtetuese (GJK) ka rrëzuar Qeverinë Hoti – vendim që i shkoi për shtat asokohe ministres Haxhiu.

Kjo GJK ka gjetur me të drejtë 22 shkelje në marrëveshjen për Asociacionin – që i shkoi për shtat gjithë VV-së si pretekst se në pushtet kishim shkelës të Kushtetutës.***

Por – kur e njëjta Gjykatë ka filluar t’i evidentoj shkeljet e Ministres Haxhiu, ajo paska filluar të befasohet.

Paska filluar ta vë në pyetje kredibilitetin e GJK.

Natyrisht. Sepse sot, ajo është zyrtarisht shkelësja e Kushtetutës që dikur e përçmonte si tradhëti kombëtare – dhe i dhemb rruga që ka shtruar vet me kolegë.

I paska rënë ndërmend se në pushtet paska ndonjëherë edhe njerëz që gabojnë, jo monstrumë. Megjithëse duke i njohur – këta nuk gabojnë pa qëllim.

Për Ministren nuk qenka më GJK e mirë. Ndryshon puna tash.

Fati që kushtetutshmëria e këtij vendi nuk varet nga Albulenat. E natyrisht as nga Doarsat. Qoftë gjithmonë kështu!

*** (Edhepse për herë të parë Serbia pat nënshkruar dokument duke njohur Gjykatën Kushtetuese të Republikës së Kosovës).