Reperi Bardhi është larguar nga shtëpia e Big Brother VIP Albania 3.

Ai ka hequr dorë me vetëdëshirë nga aventura e Big Brother, shkaku i një lajmi që i erdhi mga familja.

Vëllai i Bardhit, Petriti, u fut në shtëpinë e Big Brother VIP Albania për t’i kumtuar atij lajmin se nëna e tij është shumë e sëmurë nga tensioni, dhe gjendet e shtrirë në spital.

Kërkesa e Petritit ishte konkrete, që familja e donte Bardhin në shtëpi.

Reperi me origjinë nga Kumanova nuk hezitoi të mendonte dy herë për të lënë shtëpinë.

Me të arritur në studio, këngëtari nuk ishte në gjendje të bisedonte gjatë, duke shfrytëzuar kohën që të largohet sa më shpejt dhe të kontaktojë me nënë e tij.