Skuadra e Dritës ka zbuluar datën dhe orën e ndeshjes së parë të rrethit të dytë kualifikues në Ligën e Konferencës kundër ekipit belg, Royal Antwerp, transmeton Insajderi.

Antwerpi dhe Drita do të sfidohen në ndeshjen e parë në Belgjikë më 21 korrik (e enjte) me fillim nga ora 19:00.

Lajmin e ka bërë të ditur vet klubi i Dritës përmes një postimi në rrjetin social, Facebook.

Ndeshja e kthimit zhvillohet një javë më vonë në tempullin e zjarrtë “Fadil Vokrri” në Prishtinë.

Ndryshe, Drita në rrethin e parë kualifikues e eliminoi ekipin finlandez Inter Turku me rezultat të përgjithshëm 3:1.