Sot është prezentuar logo-ja e e 15-vjetorit të pavarësisë së Kosovës. Kjo logo ka motive nga ngjyrat e flamurit të Kosovës dhe atij kombëtar.

Krijuesi i saj siq ka konfirmuar edhe Ministria e Kulturës për Insajderin është dizajneri i njohur grafik, Albian Gagica.

Me tu publikuar logo, kishte pyetje rreth përfaqësimit të ngjyrave dhe kuptimit që ato bartin.

Insajderi ka kontaktuar me Gagicën në lidhje me angazhimin e tij për logon dhe domethënien që ajo bart.

Ai tha se logo-ja është moderne me ngjyrat kuq e zi dhe ato të flamurit të Kosovës, ndërkaq ngjyra rozë përfaqëson rolin e gruas në shoqërinë tonë, kurse e gjelbërta natyrën dhe të ardhmen.

“Logoja është moderne, pra ajo ka ngjyrat kuq e zi në mes, flamurin e Kosovës edhe atë rozë për rolin e vajzave dhe grave në shoqërinë tonë, edhe e gjelbërta simbolizon të ardhmen. Future is green”, tha ai për Insajderin.

Ai shtoi se për punimin e logos është kontraktuar nga Ministria e Kulturës.