Kandidatja për asamble komunale nga PDK, Flora Islami ka arritur të siguroi mbi 1 mijë vota, duku u bërë gruaja më e votuar në komunën e Ferizajt.

Islami me besimin e fituar nga qytetarët ka arritur të radhitet në listë e pesë personave më të votuar të PDK-së, në Ferizaj. Ajo ka fituar 1, 001 vota në zgjedhjet e 17 tetorit.

Pas fitores Islami përmes një postimi në Facebook, ka falënderuar ferizajasit për besim dhe kurajon e dhënë si përfaqësue në Kuvendin e Komunës.

Tujtje, Islami ka shtuar se na presin punë të mbara për gjithë Ferizajn, shkruan Insajderi.

“Ferizajas, Jam tejet e nderuar të marr kaq shumë mbështetje nga ju, kaq shumë besim për përfaqësimin e zërit tuaj, si asnjë grua më parë në garën e Kuvendit të Komunës së Ferizajt. Faleminderit përzemërsisht, për besimin e kurajon që më dhatë si dhe përgjegjësinë fisnike të jem përfaqësuesja juaj në Kuvendin e Komunës së Ferizajt. Me kryetarin Agim Aliu, na presin punë të mbara për gjithë Ferizajn e ferizajasit!”, ka shkruar Islami.