E ardhmja e Ardon Jasharit vazhdon të mbetet ende e paqartë nëse do të qëndrojë te Luzerni apo do të largohet.

Mesfushori shqiptar ka shkëlqyer në vitin 2022 dhe mori pjesë në Kupën e Botës me Përfaqësuesen e Zvicrës.

20-vjeçari ka zhvilluar 17 ndeshje këtë edicion me Luzernin ku ka asistuar në katër gola, dhe falë kësaj forme të mirë ka zgjuar interesimin e shumë skuadrave të mëdha evropiane.

Te Luzerni vazhdojnë të insistojnë për ta mbajtur shqiptarin deri në verë, edhe pse interesimi nga klubet e njohura evropiane është shumë i madh.

Mediat në Zvicër dhe Gjermani kanë raportuar se RB Leipzig është duke udhëhequr garën për t’i fituar shërbimet e Jasharit.

Skuadra gjermane është e gatshme ta blej reprezentuesin zviceran në janar dhe ta lë atë në huazim deri në fund të sezonit te Luzerni.

Hoffenheim, Eintracht Frankfurt dhe Wolfsburg janë ekipet tjera gjermane që e duan mesfushorin e talentuar.

Ndërkohë interesim për shqiptarin nga Kumanova kanë shprehur edhe Napoli, Arsenal, Leicester City, Leeds United, Middlesbrough, Celtic, Jax, Feyenoord e Real Sociedad.

Luzerni po synon që nga shitja e shqiptarit të fitojë mbi shtatë milionë euro.