Një operacion anti-drogë u zhvillua në Prishtinë dhe jashtë saj të martën, ku ranë në pranga tre persona.

Gazeta Insajderi mëson se përveç Fisnik Ukës, të arrestuar janë edhe Abedin Ismajli dhe Besart Mulaku.

LEXO EDHE:

Përgjatë bastisjes nëpër shtëpitë e të dyshuarve, janë sekuestruar 2,6 kilogramë drogë, një armë me 35 fishekë, dy vetura, tre telefona, katër mijë euro para të gatshme dhe prova të tjera materiale.

Burime të Insajderit bëjnë tutje me dije se në vendngjarje u arrestuan edhe dy persona të tjerë që tentuan të iknin me veturën e tyre, e cila kishte targa të falsifikuara, të cilëve iu gjet një armë zjarri.

Megjithatë, pasi nuk kishin lidhje me rastin, procedurat ndaj tyre janë ndarë dhe po trajtohen nga stacioni jugor në Prishtinë. /Insajderi.org/