Sekretar i Përgjithshëm i Federatës Evropiane të Gazetarëve, Ricardo Gutierrez ka reaguar pas komentit seksist të analistit televiziv, Rron Gjinovci ndaj juristes së medies Flutura Kusari.

Gutierrez i ka dalë në krah Kusarit, derisa Gjinovcin e konsideruar ndjekës të verbër të Albin Kurtit dhe qeverisë së tij.

“Përpjekjet për ta denigruar kolegen time të shkëlqyer Flutura Kusarin nga ndjekësit e verbër të Albin Kurtit dhe qeverisë së tij janë patetike dhe zbulojnë natyrën e vërtetë të këtyre lakejve”.

Analisti Gjinovci i cili është edhe përkrahës i partisë në pushtet, shpërtheu në komente seksiste ndaj juristes së medias, Flutura Kusari, për shkak se kjo e fundit tha se ‘përgjegjësia për sigurinë e gazetarëve i takon shtetit“.

Kjo deklaratë si duket nuk i pëlqeu Gjinovcit, i cili e shpërndau lajmin me këtë përshkrim: “Çfarë frizure”.

#Kosovo: the attempts to denigrate my excellent colleague @fluturakusari by the henchmen of @albinkurti and his government are pathetic and reveal the true nature of these stooges. #FullSupport #Solidarity pic.twitter.com/kBcK51YP6g

— Ricardo Gutiérrez (@Molenews1) June 17, 2023