Komuna e Podujevës ka njoftuar se ka marrë vendim që të mund t’i kryejnë shërbimet e gjendjes civile edhe qytetarët e komunave të tjera.

Në njoftimin e komunës thuhet se kjo po bëhet për shkak se shumica e komunave të tjera janë në grevë.

“Të gjitha shërbimet e theksuara më poshtë ofrohen nga Komuna e Podujevës për qytetarët e Komunave të tjera nëse të njëjtat gjinden ne Sistemin e Gjendjes Civile:

• Certifikata e Lindjes;
• Ekstrakti i Lindjes;
• Certifikata e Kurorëzimit;
• Certifikata e Statusit Martesor;
• Certifikata e Shtetësisë;
• Certifikata e Bashkësisë Familjare;
• Certifikata e Vendbanimit;
• Vërtetimi nga Arkivi;
• Certifikata e Vdekjes

Zyra për Marrëdhënie me Publikun dhe Informim

23.09.2022, Podujevë”, thuhet në njoftimin e komunës.