Ministër i Mjedisit, Planifikimit Hapësinor dhe Infrastrukturës,Liburn Aliu, ka bërë të ditur se sot është mbajtur ceremonia zyrtare për hapjen e korridoreve të reja ajrore që lidhin Kosovën dhe Shqipërinë.
Aliu njoftoi se shkurtimi i trajektoreve të fluturimeve për dhe nga Kosova përfshinë 08-12 minuta.
“Ulja e kostove të fluturimit jo vetëm që ndikon në uljen e shpenzimeve për linjat ajrore, por gjithashtu kontribuon në uljen e emetimit të gazrave serrë, duke shërbyer si një dëshmi e përkushtimit tonë ndaj mbrojtjes së mjedisit dhe përkrahjes së praktikave të qëndrueshme në fushën e aviacionit”, ka shkruar ministri.