Ambasadori i Kosovës në Bruksel, Agron Bajrami, tha se me marrëveshjen e arritur mbrëmë në Ohër mes Kosovës dhe Serbisë, Kosova ecën përpara.
Bajrami tha se tani topi është në fushën evropiane.
“Këshilli i Evropës dhe Këshilli i BE-së duhet të marrë drejtimin dhe të hapin dyert. Nuk ka kohë për të humbur!”, ka shkruar Bajrami në Twitter.
Kryediplomati evropian, Josep Borrell, ka njoftuar se Kosova dhe Serbia janë pajtuar mbi aneksin e zbatimit për rrugën e normalizimit të marrëdhënieve mes tyre.
Borrell ka thënë se si pjesë e këtij aneksi, palët janë pajtuar që të zbatojnë të gjitha nenet e marrëveshjes së propozuar nga Bashkimi Evropian, për përmbajtjen e të cilit palët janë dakoduar në takimin e 27 shkurtit në Bruksel.