
Kosova ka përfituar rreth 61 milion euro nga marrëveshja kornizë e nënshkruar më Hungarinë, përmes së cilës do të bëhet financimi i projekteve të ndryshme.
Fillimisht me këto mjete do të financohet projekti i Batllavës, i cili përfshinë trajtimin e ujërave të zeza për fshatrat përreth, një stacion për filtrimin e ujit si dhe riparimin e rezervarit ekzistues.
Kjo është bërë e ditur në një komunikatë për media nga Ministria e Financave, ku thuhet se ministri Avdullah Hoti, priti sot në takim një delegacionin të Qeverisë së Republikës së Hungarisë, të kryesuar nga nënsekretarja e Ministrisë së Punëve të Jashtme dhe Tregtisë së Hungarisë Petra Pana, ku i pranishëm ishte edhe ambasadori hungarez në Prishtinë László Markusz.
“Në këtë takim, Ministri Hoti shprehu gatishmërinë e shtetit të Kosovës për intensifikimin e bashkëpunimit ekonomik ndërmjet të dyja vendeve”, thuhet në këtë komunikatë./Insajderi.com