Edhe tani kur është dhënë rekomandimi për liberalizim vizash, qindra qytetarë presin para ambasadave për t’u pajisur me viza, ose për të bërë termin. Heqjes së vizave i janë gëzuar më së shumti studentët

Rreth 30 milionë euro u ka kushtuar qytetarëve të Kosovës izolimi nga Bashkimi Evropian, vetëm gjatë gjashtë viteve të fundit. Këto para llogaritet t’i kenë shpenzuar qytetarët e Kosovës vetëm gjatë aplikimit për t’u pajisur me vizën “Schengen” nga vitit 2009 e deri më tani.

E nëse këtu llogariten edhe shpenzimet tjera përcjellëse deri te marrja e vizave, kosovarët kanë shpenzuar edhe disa miliona të tjerë për përgatitjen e dokumenteve, shkruan sot gazeta ‘Zeri’.

Instituti “GAP” dhe Instituti për Studime Juridike dhe Politike, përmes një hulumtimi ka konstatuar se Kosova është vendi më i varfër dhe me shkallën më të lartë të papunësisë në Evropë, por përkundër kësaj, kosovarët shpenzojnë më së shumti në Evropë për të aplikuar për viza. (Gazeta Zëri)