Sot do të mblidhet Këshilli Qendror i Zgjedhjeve ku do të diskutohet për procesin e votimit në veri.
Mbledhja pritet të fillojë nga ora 13:30.
Aty janë disa pika që do të shqyrtohen dhe miratohen në mesin e të cilave edhe miratimi i qendrave të votimit për procesin e votimit të 21 prillit në katër komunat veriore.
Më poshtë i gjeni pikat e rendit të ditës së këtij takimi:
1. Shqyrtimi dhe miratimi i Raportit të Listës Preliminare të Votuesve;
2. Shqyrtimi dhe miratimi i Qendrave të Votimit për procesin e votimit për apo kundër largimit të kryetarëve të komunave Leposaviq, Zubin Potok, Zveçan dhe Mitrovicë e Veriut;
3. Njoftimit për ndërrimin e qendrës së votimit, kundërshtimit dhe konfirmimit të LV-së;
4. Shqyrtimi dhe miratimi i rekomandimit për emërimin e Komisioneve Komunale të Zgjedhjeve për procesin e votimit për apo kundër largimit të kryetarëve të komunave Leposaviq, Zubin Potok, Zveçan dhe Mitrovicë e Veriut;”, thuhet në njoftimin e KQZ-së.